புதுக்கோட்டை மாவட்டம், அரிமளம் பேரூராட்சி எட்டாம் மண்டகப்படி பகுதியில் மிகவும் மோசமான நிலையில் மின் கம்பம் உள்ளது. உயர் மின் அழுத்த கம்பி செல்லும் இந்த மின் கம்பம் பஸ் நிறுத்தம் அருகில் இருப்பதால் பொதுமக்கள் எப்போதும் அச்சத்துடன் நிற்க வேண்டிய நிலை ஏற்பட்டு உள்ளது. மின்கம்பத்தின் சிமெண்டு பூச்சிகள் அனைத்தும் விழுந்து மின்கம்பத்தில் உள்ள கம்பிகள் வெளியே தெரியும்படி உள்ளது. மக்கள் நெருக்கம் மிகுந்த கடைவீதி பகுதியில் இந்த மின்கம்பம் இருப்பதால் முறிந்து விழுந்து எப்பொழுது வேண்டுமானாலும் ஆபத்தை ஏற்படுத்தலாம். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.