நாகை மாவட்டம் திருமருகல் பகுதி சேகல் கிராமத்தில் இருந்து மருங்கூர் செல்லும் சாலையில் ஆபத்தான நிலையில் மின்கம்பம் ஒன்று உள்ளது. இந்த மின்கம்பம் முறையான பராமரிப்பின்றி பழுதடைந்து காணப்படுகிறது. குறிப்பாக மின்கம்பத்தின் அடிப்பகுதியில் உள்ள சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. மேலும், மின்கம்பம் எப்போது வேண்டுமானாலும் கீழே விழுந்துவிடும் நிலையில் உள்ளது. இதனால் மின்கம்பத்தின் அருகில் உள்ள வீடுகளில் உள்ளவர்கள் அசம்பாவிதம் எதுவும் ஏற்படும் என அச்சம் தெரிவித்துவருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள மின்கம்பத்தை சீரமைக்க நடவடிக்கை எடுப்பார்களா?