புதுக்கோட்டை மாவட்டம், பொன்னமராவதி தாலுகா, மறவாமதுரை ஊராட்சி ஒன்றியம், காரையூர் அருகே உள்ள சடையம்பட்டியில் உள்ள மேல்நிலை நீர்த்தேக்க தொட்டி எதிரே பூக்காரதெருவின் மையப்பகுதியில் மின்கம்பம் ஒன்று அமைக்கப்பட்டுள்ளது. இந்த மின்கம்பம் அமைக்கப்பட்டு பல ஆண்டுகள் ஆனதால் தற்போது சிதலமடைந்து ஆபத்தான நிலையில் உள்ளது. பொதுமக்கள் நடமாட்டத்தின்போது இந்த மின்கம்பம் முறிந்து விழுந்தால் உயிரிழப்பு ஏற்பட அதிக வாய்ப்பு உள்ளது. மேலும் அருகே உள்ள வேப்பமரத்தின் கிளைகள் இந்த மின்கம்பத்தில் அமைக்கப்பட்டுள்ள மின் கம்பங்களில் உறசியவாறு உள்ளன. இதனால் இந்த மரத்தின் மின்சாரம் பாயும் நிலை உள்ளது. எனவே இதுகுறித்து சம்பந்தப்பட்ட மின்சாரத்துறை அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.