நாகையை அடுத்த வடக்குபொய்கைநல்லூர் நந்திநாதேஸ்வரர் கோவில் எதிரே உயர்மின்கோபுர விளக்கு அமைக்கப்பட்டுள்ளது. இந்த மின்விளக்கு கடந்த சில மாதங்களாக சரிவர எரிவதில்லை. இதனால் அந்த பகுதி இரவு நேரங்களில் இருள் சூழ்ந்து காணப்படுகிறது. இதன்காரணமாக வாகன ஓட்டிகள், பொதுமக்கள் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் உயர்மின்கோபுர விளக்கு மீண்டும் ஒளிர நடவடிக்கை எடுக்க வேண்டும்.