திருச்சி மாவட்டம், ஸ்ரீரங்கம் வட்டம், அந்தநல்லூர் ஒன்றியம் இனாம்புலியூர் கிராமத்தில் அமைக்கப்பட்டுள்ள ஒரு மின்கம்பம் சிதிலமடைந்த தற்போது மிகவும் சாய்ந்த நிலையில் காணப்படுகிறது. கீழே விழும் நிலையில் உள்ள மின்கம்பத்தை தாங்கி நிற்கும் வகையில் மரக்கட்டைகளை கொண்டு முட்டுக்கொடுத்துள்ளனர். தற்போது மழை காலம் என்பதால் பலத்த காற்று அடிக்கும்போது இந்த மின்கம்பம் கீழே விழுந்தால் இப்பகுதியில் உயிரிழப்பு ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட மின்சாரத்துறை அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.