ஊட்டியில் கோடை சீசன் தொடங்கியுள்ள நிலையில், சுற்றுலா பயணிகள் வருகை அதிகரித்து வருகிறது. இதனால் தங்கும் விடுதிகள் நிரம்பி வழிகின்றன. இதற்கிடையில் அவ்வப்போது மழை பெய்து, கடும் குளிர் நிலவி வருகிறது. இந்த நிலையில் அடிக்கடி மின்தடை ஏற்படுகிறது. மேலும் மின்னழுத்த குறைபாடு நிலவுகிறது. இதனால் சுற்றுலா பயணிகள் மட்டுமின்றி உள்ளூர் மக்களும் அவதிப்பட்டு வருகிறார்கள். எனவே கூடுதல் மின்மாற்றிகள் அமைத்து, இந்த பிரச்சினைக்கு நிரந்தர தீர்வு காண வேண்டும்.