நாகை மாவட்டம் திட்டச்சேரி பகுதி குறிச்சாங்கண்ணி குளத்து கரையில் மின்கம்பம் ஒன்று சேதமடைந்து காணப்பட்டது. இதனால் அந்த வழியாக சென்ற பொதுமக்கள், வாகன ஓட்டிகள் அச்சத்துடன் சென்று வந்தனர். இதுகுறித்து 'தினத்தந்தி' புகார்பெட்டியில் செய்தி வெளியானது. இதன் எதிரொலியாக சம்பந்தப்பட்ட அதிகாரிகள் மின்கம்பத்தை அகற்றி புதிய மின்கம்பம் அமைத்துள்ளனர். இதனால் மகிழ்ச்சி அடைந்த பொதுமக்கள் செய்தி வெளியிட்ட 'தினத்தந்தி' நாளிதழுக்கும், நடவடிக்கை எடுத்த அதிகாரிகளுக்கும் நன்றியையும், பாராட்டுகளையும் தெரிவித்துள்ளனர்.