நாகை மாவட்டம் புத்தகரம் ஊராட்சி மேலத்தெருவில் மின்கம்பம் ஒன்று பராமரிப்பின்றி காணப்பட்டது. இதனால் மின்கம்பம் அகற்றப்பட்டு புதிய மின்கம்பம் நடப்பட்டது. ஆனால் தற்போது வரை மின்கம்பத்துக்கு மின் இணைப்பு வழங்கப்படாமல் உள்ளது. இந்த நிலையில் புதிய மின்கம்பமும் சேதமடைந்து வலுவிழந்துள்ளது. எனவே, சம்பந்தப்பட்ட அதிகாரிகள் மேற்கண்ட பகுதியில் வேறொரு புதிய மின்கம்பம் அமைத்து அதற்கு மின்இணைப்பு வழங்க நடவடிக்கை எடுக்க வேண்டும் என்பதே பொது மக்களின் கோரிக்கையாகும்.