திருவெண்ணெய்நல்லூர் வானகொட்டகை தெருவில் இருந்து வயல்வெளிக்கு செல்லும் சாலை ஓரமாக உள்ள மின்கம்பங்கள் சாய்ந்த நிலையில் உள்ளன. இந்த மின்கம்பங்களால் அவ்வழியாக செல்ல பொதுமக்கள் அச்சப்படுகின்றனர். மேலும் ஆடு மாடுகளை வயல்களில் மேய்ச்சலுக்கு விடவும் தயங்குகின்றனர். ஆகவே மின்கம்பங்கள் சாய்ந்து விழுந்து பெரும் அசம்பாவிதம் ஏதும் ஏற்படுவதற்குள், அதனை மாற்றி அமைக்க நடவடிக்கை எடுக்க வேண்டும். மேலும் அப்பகுதியில் உள்ள சாலை முற்றிலும் சேதமடைந்து காணப்படுவதால், அதனை சீரமைக்கவும் நடவடிக்கை எடுப்பது அவசியமாகும்.