திருச்சி மாநகராட்சி 37-வது வார்டு ஏர்போர்ட் பகுதியில் உள்ள ஈ.பி. காலனி மெயின் ரோடு எஸ்.பி.ஐ.ஒ.ஏ. பள்ளி செல்லும் பாதையில் சாலையின் நடுவே மின்கம்பம் ஒன்று அமைக்கப்பட்டுள்ளது. இதனால் இந்த வழியாக செல்லும் நான்கு சக்கர வாகனங்களுக்கு பெரிதும் அடையூறாக உள்ளது. இதனால் இரவு நேரத்தில் இந்த சாலையில் செல்லும் வாகனங்கள் எதிர்பாராத விதமாக இந்த மின்கம்பத்தில் மோதி விபத்து ஏற்பட அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.