நாகை மாவட்டம் திருமருகல் ஒன்றியம் திருக்கண்ணபுரம் ஊராட்சி ராமநந்தீஸ்வரம் கிராமத்தில் மின்கம்பிகள் மிகவும் தாழ்வாக செல்கிறது. இதனால் வாகனங்கள் செல்லும் போது மிகவும் சிரமம் ஏற்பட்டு வருகிறது. காற்று வீசும் போது மின்கம்பிகள் மரக்கிளைகள் மீது உரசி தீ பற்றி எரிகிறது. இதனால் அந்த வழியாக செல்ல பொதுமக்கள் அச்சப்படுகிறார்கள். எனவே, தாழ்வாக செல்லும் மின்கம்பிகளை சரி செய்ய சம்பந்தப்பட்ட அதிகாரிகள் நடவடிக்கை எடுக்க வேண்டும்.