கிருஷ்ணகிரி மாவட்டம் வேப்பனப்பள்ளி அடுத்த வி.மாதேப்பள்ளி ஊராட்சிக்குட்பட்ட சின்ன சூலாமலை கிராமத்தில் சுமார் 30 குடும்பங்கள் வசிக்கின்றன. இந்தநிலையில் ஊரில் உள்ள 3 மின்கம்பங்களிலும் சுமார் ஆறு மாதகாலமாக தெருவிளக்கு எரியவில்லை. இதனால் குழந்தைகள், பெண்கள் இரவு நேரத்தில் வீட்டை விட்டு வெளியே வர அச்சப்படுகிறார்கள். எனவே பொதுமக்கள் நலன் கருது சம்பந்தப்பட்ட அதிகாரிகள் நடவடிக்கை எடுக்க வேண்டும் என்று ஊர்பொதுமக்கள் கோரிக்கை விடுத்துள்ளனர்.