நாகை புதிய பஸ்நிலையம் அருகே நகராட்சிகடைகள் அதிகளவில் உள்ளன. இந்த பகுதியில் தினமும் ஏராளமான மக்கள் பல்வேறு பணிகளுக்காக சென்று வருகின்றனர். இந்த பகுதியில் உள்ள 2 மின்கம்பங்கள் உரிய பராமரிப்பின்றி காணப்படுகிறது. மேலும் மின்கம்பங்களில் உள்ள சிமெண்டு காரகைகள் பெயர்ந்து கம்பிகள் வெளியே தெரிகின்றன. இந்த மின்கம்பம் எப்போது சாய்ந்து விழுமோ? என்ற அச்சத்துடன் வாகன ஓட்டிகள் சென்று வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.