நாகர்கோவில் மாநகராட்சிக்கு உட்பட்ட டிஸ்லரி ரோட்டில் சி.எஸ்.ஐ. ஆலயம் உள்ளது. இந்த ஆலயத்தின் எதிரே சாலையோரம் அமைக்கப்பட்டுள்ள டபிள்யூ 15/18 எண் கொண்ட மின்கம்பத்தில் தெருவிளக்குக்கான சுவிட்சு பெட்டி மிகவும் தாழ்வாக பொருத்தப்பட்டுள்ளது. இந்த பெட்டியின் மூடி சேதமடைந்து திறந்த நிலையில் காணப்படுகிறது. இதனால், அப்பகுதி சிறுவர்கள் விபத்தில் சிக்கும் அபாயம் ஏற்பட்டுள்ளது. எனவே, சேதமடைந்த பெட்டியை அகற்றி விட்டு புதிய பெட்டியை உயரமான இடத்தில் பொருத்திட சம்பந்தப்பட்ட அதிகாரிகள் நடவடிக்கை எடுக்க வேண்டும்.
-மா.சதீஷ்குமார், மேலகாமராஜபுரம்.