நாகை மாவட்டம் கட்டுமாவடி ஊராட்சி புறாக்கிராமம் கீழத்தெருவில் சுமார் 100-க்கும் மேற்பட்ட குடும்பத்தினர் வசித்து வருகின்றனர். இந்த பகுதியிலிருந்து பல்வேறு இடங்களுக்கு வேலை உள்ளிட்டவற்றிற்கு சென்று வருகின்றனர். இந்த பகுதியில் உள்ள தெருவின் நடுவில் மின்கம்பம் ஒன்று உள்ளது. இதனால் இந்த சாலையின் வழியாக செல்ல பொதுமக்கள் வாகன ஓட்டிகள் அவதியடைந்து வருகின்றனர். மேலும், அவசர கால ஊர்திகள் செல்ல முடியாத நிலை உள்ளது. எனவே சம்பந்தப்பட்ட அதிகாரிகள் உரிய நடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.