நாகை மாவட்டம் திருமருகல் - திட்டச்சேரி சாலையில் பனங்குடி பிராவடையான் ஆற்றுப்பாலம் அருகில் சாலையோரத்தில் மின்கம்பங்கள் அமைக்கப்பட்டுள்ளன. இவற்றில் செல்லும் மின்கம்பிகள் கைக்கு எட்டும் தூரத்தில் மிகவும் தாழ்வாக செல்கின்றன. மேலும் சாலையோரத்தில் உள்ள மரங்களில் மின்கம்பிகள் உரசுவதால் அடிக்கடி மின்தடை ஏற்படுகிறது. அந்த வழியாக செல்லும் வாகன ஓட்டிகள் மிகவும் அச்சத்துடன் சென்ற வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.