சுரங்கப்பாதையில் தேங்கும் மழைநீர்

பெரியநாயக்கன்பாளையம் அருகே குப்பிச்சிபாளையத்தில் இருந்து கணபதி செல்லும் சாலையில் ரெயில்வே பாலம் உள்ளது. இதன் கீழ் சுரங்கப்பாதை செல்கிறது. இந்த சுரங்கப்பாதையில் மழைநீர் குட்டை போல தேங்கி நிற்கிறது. இதனால் அந்த வழியாக செல்லும் வாகனங்கள் தண்ணீரில் தத்தளித்தபடி செல்லும் நிலை காணப்படுகிறது. இதன் காரணமாக வாகனங்கள் பழுதாவதோடு வாகன ஓட்டிகளும் பல்வேறு இன்னல்களை சந்தித்து வருகின்றனர். எனவே அந்த சுரங்கப்பாதையில் மழைநீர் தேங்காத வகையில் நடவடிக்கை எடுக்க அதிகாரிகள் ஆவன செய்ய வேண்டும்.