கோயம்புத்தூர் &gt; பூங்கா

கோவை சவுரிபாளையம் அன்னை வேளாங்கண்ணி நகரில் மாநகராட்சி பூங்கா உள்ளது. இந்த பூங்கா பராமரிப்பு இல்லாமல் புதர் மண்டி கிடக்கிறது. அங்கு குழந்தைகள் விளையாடும் உபகரணங்கள் உடைந்து உபயோகிக்க முடியாமல் உள்ளது. மேலும் இரவு நேரங்களில் மதுப்பிரியர்கள் அமர்ந்து மது குடித்து விட்டு காலி பாட்டில்களை வீசி செல்கின்றனர். எனவே பூங்காவை முறையாக பராமரிக்கவும், மதுப்பிரியர்கள் தொல்லையை கட்டுப்படுத்தவும் அதிகாரிகள் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

23 July 2023 10:36 AM GMT

மதனகோபால் | பொள்ளாச்சி

#36649

பூட்டி கிடக்கும் பூங்கா

பொள்ளாச்சி அருகே மாக்கினாம்பட்டியில் அம்மா உடற்பயிற்சி கூடம் மற்றும் பொழுதுபோக்கு பூங்கா உள்ளது. இவை முறையாக பராமரிக்கப்படுவது இல்லை. மேலும் எந்த நேரமும் பூட்டியே வைக்கப்பட்டு உள்ளன. இதனால் அங்குள்ள பொருட்கள் பழுதடைந்து வீணாகி வருகின்றன. மேலும் அந்த உடற்பயற்சி கூடம் மற்றும் பூங்காவை பயன்படுத்த முடியாமல் அப்பகுதியை சேர்ந்த இளைஞர்கள் மற்றும் பொதுமக்கள் அவதிப்பட்டு வருகிறார்கள். எனவே அவற்றை மீண்டும் திறந்து வழக்கம்போல் செயல்பட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

31 May 2023 9:48 AM GMT

நாகராஜன் | கவுண்டம்பாளையம்

#33565

ஆபத்தான மரம்

கோவை கவுண்டம்பாளையம் சோழன் நகரில் சிறுவர் பூங்கா உள்ளது. இங்கு குழந்தைகள் மற்றும் பெரியவர்கள் வந்து செல்கின்றனர். ஆனால் அந்த பூங்காவில் பட்டுப்போன நிலையில் பழமையான மரம் ஒன்று நிற்கிறது. சூறாவளி காற்று வீசும்போது, அந்த மரம் சாய்ந்து விழும் அபாயம் காணப்படுகிறது. இது அங்கு வந்து செல்வோரை ஆபத்தில் சிக்க வைக்கும் வகையில் உள்ளது. எனவே அந்த மரத்ைத வெட்டி அகற்ற வேண்டும்.

ஆதரவு: 0

Enter Name and Email

Error in submitting

1 March 2023 7:40 AM GMT

ரத்தினராஜ் | கோயம்புத்தூர் தெற்கு

#28091

புதர் சூழ்ந்த பூங்கா

கோவை ஆவாரம்பாளையம் சோபா நகரில் பூங்கா ஒன்று உள்ளது. இந்த பூங்கா முறையாக பராமரிக்கப்படுவது இல்லை. இதனால் பூங்காவில் புதர் செடிகள் அடர்ந்து வளர்ந்து காணப்படுகிறது. மேலும் விஷ ஜந்துக்களின் நடமாட்டம் அதிகரித்து வருகிறது. இதன் காரணமாக அங்கு செல்லவே அந்த பகுதி மக்கள் கடும் அச்சம் அடைந்து வருகின்றனர். எனவே அந்த பூங்காவை உரிய முறையில் பராமரித்து, பொதுமக்கள் பயன்பாட்டுக்கு மீண்டும் கொண்டு வர சம்பந்தப்பட்ட துறையினர் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

16 Oct 2022 1:37 PM GMT

லதா ராமநாதபுரம் | கோயம்புத்தூர் தெற்கு

#19667

நடைபாதையில் வாகனங்கள்

கோவை ரேஸ்கோர்ஸ் பகுதியில் தினந்தோறும் ஏராளமான பொதுமக்கள் நடைபயிற்சி மேற்கொள்கின்றனர். இந்த நிலையில் சிலர் நடைபயிற்சிக்கு இடையூறாக நடைபாதையில் மோட்டார் சைக்கிளில் வலம் வருவதுடன் தங்களது மோட்டார் சைக்கிள்களை நடைபாதையில் நிறுத்திவிட்டு செல்கின்றனர். இதனால் நடைபயிற்சி செல்லும் பொதுமக்கள் கடும் அவதி அடைகின்றனர். எனவே நடைபாதையில் மோட்டார் சைக்கிளில் வலம் வருபவர்களை கட்டுப்படுத்த போலீசார் உரிய நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Sep 2022 2:58 PM GMT

ஏ.என்.பெத்தபெருமாள் | சிங்காநல்லூர்

#17663

பூங்கா பராமரிக்கப்படுமா?

கோவை மாநகராட்சி 51-வது வார்டு ராஜீவ்காந்தி நகரில் உள்ள பூங்கா பராமரிப்பு இன்றி மிகவும் மோசமாக உள்ளது. இங்குள்ள விளக்குகள் சரிவர ஒளிருவதில்லை. இதனால் பூங்காவிற்கு வருபவர்கள் கடும் அவதியடைந்து வருகின்றனர். எனவே இந்த பூங்காவை பராமரிக்க மாநகராட்சி அதிகாரிகள் உரிய நடவடிக்ை எடுக்க வேண்டும்.

ஆதரவு: 0

Enter Name and Email

Error in submitting

13 Sep 2022 1:19 PM GMT

கனகவேல் | சிங்காநல்லூர்

#14659

குடிமகன்கள் தொல்லை

கோவை சிங்காநல்லூர் பஸ் நிலையம் அருகே உள்ள கோவிலில் இருந்து சற்று தொலைவில் டாஸ்மாக் மதுக்கடை செயல்பட்டு வருகிறது. மது அருந்தும் குடிமகன்கள் அந்த வழியாக செல்லும் பெண்களை கேலி கிண்டல் செய்கின்றனர். மேலும் கோவிலுக்கு வரும் பக்தர்களுக்கும் இடையூறு செய்கின்றனர். எனவே இது குறித்து சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

27 Aug 2022 1:07 PM GMT

லட்சுமி | கோயம்புத்தூர் தெற்கு

#11057

பராமரிப்பு இல்லாத பூங்கா

கோவை அருகே கோவைப்புதூர் பிரஸ் என்கிளேவ் வளாகத்தில் உள்ள மாநகராட்சி பூங்கா பராமரிப்பு இல்லாமல் உள்ளது. இந்த பூங்காவை பராமரித்து பசுமையாக்க வேண்டும். தற்போது புதர் மண்டி கிடப்பதால், அதை பயன்படுத்த முடியாத நிலை உள்ளது. மேலும் விஷ ஜந்துகள் புகலிடமாக மாறிவிட்டது. எனவே உடனடியாக நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

23 Aug 2022 12:22 PM GMT

மனோஜ் | சிங்காநல்லூர்

#10175

புதர் மண்டிய பூங்கா

கோவை மாநகராட்சி 59-வது வார்டு நீலிக்கோணாம்பாளையம் ஆர்.கே.கே. நகரில் செம்மொழி பூங்கா உள்ளது. இந்த பூங்கா மிகவும் புதர் மண்டிய நிலையில் காட்சியளிக்கிறது. மேலும் விளையாட்டு உபகரணங்களும் உடைந்து கிடக்கிறது. இது தவிர சுற்றுச்சுவர் இடிந்து பாதுகாப்பற்ற நிலையில் உள்ளது. இதனால் அங்கு செல்லவே குழந்தைகள் முதல் பெரியவர்கள் வரை அச்சப்படுகிறார்கள். எனவே அந்த பூங்காவை சீரமைக்க சம்பந்தப்பட்ட துறை அதிகாரிகள் ஆவன செய்ய வேண்டும்.

ஆதரவு: 0

Enter Name and Email

Error in submitting

22 Aug 2022 2:35 PM GMT

தீபா சுங்கம் | கோயம்புத்தூர் தெற்கு

#10023

புதர்கள் அகற்றப்படுமா?

கோவை சுங்கம் நகர்புற ஆரம்ப சுகாதார நிலையத்திற்கு நாள்தோறும் ஏராளமான பொதுமக்கள் சிகிச்சைகளுக்காக வந்து செல்கின்றன. இந்த சுகாதார நிலையத்தில் புதர் செடிகள் வளர்ந்து காணப்படுகிறது. இதனால் பூச்சிகளின் நடமாட்டம் அதிகரித்து உள்ளது மேலும் கொசு தொல்லையும் காணப்படுகிறது எனவே புதர்களை அகற்ற சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

17 Aug 2022 2:52 PM GMT

Bindhu | கவுண்டம்பாளையம்

#8986

பூங்கா ஆக்கிரமிப்பு

சின்னவேடம்பட்டி சக்தி நகரின் சிறுவர் பூங்கா உள்ளது. இந்த பூங்காவை சிலர் ஆக்கிரமித்து, தங்களது வாகனங்களை நிறுத்த பயன்படுத்தி வருகின்றனர். மேலும் அவர்கள் பூங்காவை பூட்டி வைத்துள்ளனர். எனவே பூங்காவை பொதுமக்கள் பயன்பாட்டிற்கு கொண்டுவர சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

14 Aug 2022 12:57 PM GMT

சத்யபாமா | தொண்டாமுத்தூர்

#8279

பூங்கா பராமரிப்பு

கோவைப்புதூர் 89-வது வார்டு பிரஸ் என்கிளேவ் பகுதியில் உள்ள மாநகராட்சி பூங்கா உள்ளது. இந்த பூங்கா தற்போது பராமரிப்பு இல்லாமல் உள்ளது. அதனால் பொதுமக்கள் மற்றும் சிறுவர்கள் முகம் சுழிக்கின்றனர். எனவே பூங்காவை சம்பந்தப்பட்ட அதிகாரிகள் பராமரிக்க முன்வருவார்களா?

ஆதரவு: 0