கடலூர் &gt; தண்ணீர்

பண்ருட்டி அருகே மணம்தவிழ்ந்தபுத்தூரில் உள்ள ஏரியை அதிகாரிகள் முறையாக பராமரிக்காமல் விட்டு விட்டனர். இதனால் ஏரியில் தற்போது விழல்கள் அதிக அளவில் வளர்ந்து தூர்ந்து போய் காணப்படுவதால் மழைக்காலங்களில் ஏரியில் அதிக அளவில் தண்ணீரை சேமித்து வைக்க முடியாத நிலை ஏற்பட்டுள்ளது. இதன் காரணமாக அப்பகுதியில் விவசாய பணிகள் பாதிக்கப்பட்டு வருகிறது. இதை தவிர்க்க ஏரியை முறையாக தூர் வாருவதோடு, வாய்க்கால் ஆக்கிரமிப்புகளை அகற்றி சீரமைக்க அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

24 March 2024 6:00 PM GMT

பொதுமக்கள் | பண்ருட்டி

#45519

புதர் மண்டி கிடக்கும் தண்ணீர் தொட்டி

பண்ருட்டி அருகே நடுமேட்டுக்குப்பம் 8-வது வார்டுக்கு உட்பட்ட பகுதியில் கடந்த 3 ஆண்டுகளுக்கு முன்பு கால்நடைகளுக்கான தண்ணீர் தொட்டி அமைக்கப்பட்டது. ஆனால் அந்த தொட்டியை இன்னும் செயல்பாட்டுக்கு கொண்டு வர அதிகாரிகள் நடவடிக்கை எடுக்கவில்லை. இதனால் அந்த தொட்டி தற்போது புதர் மண்டி கிடக்கிறது. தொட்டிக்கு குடிநீர் குழாய் இணைப்பும் செய்யப்படவில்லை. எனவே கால்நடைகளுக்காக அமைக்கப்பட்ட தொட்டியை சீரமைத்து செயல்பாட்டுக்கு கொண்டுவர அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை எடுத்துள்ளனர்.

ஆதரவு: 0

Enter Name and Email

Error in submitting

24 March 2024 5:56 PM GMT

கிராம மக்கள் | சிதம்பரம்

#45511

குடிநீர் தட்டுப்பாடு

அண்ணாமலைநகர் பேரூராட்சிக்கு உட்பட்ட பகுதிகளில் பொதுமக்களுக்கு சரியான முறையில் குடிநீர் வினியோகம் செய்யப்படுவதில்லை. இதனால் ஏற்பட்டுள்ள குடிநீர் தட்டுப்பாட்டால் பொதுமக்கள் பெரும் சிரமம் அடைந்து வருகின்றனர். எனவே குடிநீர் பிரச்சினையை தீர்க்க சம்பந்தப்பட்ட அதிகாரிகள் நடவடிக்கை எடுக்க வேண்டியது அவசியம்.

ஆதரவு: 2

Enter Name and Email

Error in submitting

24 March 2024 5:55 PM GMT

பொதுமக்கள் | நெய்வேலி

#45510

புகார் பெட்டி எதிரொலி

நெய்வேலி ஜெயப்பிரியா பஸ் நிலையத்தில் இருந்து கடலூர் செல்லும் சாலை ஆங்காங்கே பலத்த சேதமடைந்து குண்டும், குழியுமாக காணப்பட்டது. இதுகுறித்த செய்தி தினத்தந்தி புகார்பெட்டியில் வெளியானது. இதையடுத்து சேதமடைந்த சாலையை சீரமைக்க அதிகாரிகள் நடவடிக்கை மேற்கொண்டனர். அதன்படி தற்போது சாலை சீரமைக்கப்பட்டது. இதனால் மகிழ்ச்சி அடைந்த அப்பகுதி மக்கள் தினத்தந்திக்கும், அதிகாரிகளுக்கும் நன்றி தெரிவித்தனர்.

ஆதரவு: 3

Enter Name and Email

Error in submitting

17 March 2024 5:54 PM GMT

பொதுமக்கள் | திட்டக்குடி

#45342

தடுப்பணை கட்டப்படுமா?

திட்டக்குடி தாலுகா வெண்கரும்பூர் கிராமத்தில் உள்ள ஆற்றின் மூலம் ஆயிரக்கணக்கான ஏக்கா் நிலங்கள் பாசன வசதி பெறுகின்றன. ஆனால் இந்த ஆற்றின் குறுக்கே தடுப்பணை கட்டப்படாமல் உள்ளதால் தண்ணீரை சேமிக்க முடியாமல் அவை கடலில் வீணாக சென்று கலக்கிறது. தடுப்பணை கட்டுவதன் மூலம் நீர் சேமிக்கப்படுவதோடு, நிலத்தடி நீர் மட்டமும் உயரும் என்பதால் சம்பந்தப்பட்ட அதிகாரிகள் உடனடியாக தடுப்பணை கட்ட நடவடிக்கை எடுக்க வேண்டும் என அப்பகுதி மக்கள் எதிர்பார்க்கின்றனர்.

ஆதரவு: 2

Enter Name and Email

Error in submitting

17 March 2024 5:54 PM GMT

கிராம மக்கள் | பண்ருட்டி

#45340

குளத்தை தூர்வார வேண்டும்

பண்ருட்டி அருகே அவியனூர் ஊராட்சி பகுதியில் உள்ள தாமரைக்குளம் பல ஆண்டுகளாக புதர் மண்டி சீரமைக்கப்படாமல் காணப்படுகிறது. குளத்தின் நீர் வரத்து வாய்க்கால்களும் தூர்வாரப்படாததால் தண்ணீர் வரத்து இன்றி குளம் தற்போது வறண்டுபோய் காணப்படுகிறது. விவசாயிகளுக்கு நீர் ஆதாரமாக விளங்கும் இந்த குளத்தையும், நீர் வரத்து வாய்க்கால்களையும் தூர்வாரி சீரமைக்க அதிகாரிகள் நடவடிக்கை எடுக்க வேண்டும் என அப்பகுதி மக்கள் எதிர்பார்க்கிறார்கள்.

ஆதரவு: 0

Enter Name and Email

Error in submitting

10 March 2024 4:49 PM GMT

பொதுமக்கள் | விருத்தாச்சலம்

#45126

மினி குடிநீர் தொட்டி சீரமைக்கப்படுமா?

விருத்தாசலம் அருகே நாச்சியார்பேட்டை பாலாம்பிகை தெருவில் உள்ள மினி குடிநீர் தொட்டி சிதிலமடைந்து உள்ளதால் அதன் மூலம் குடிநீர் வினியோகம் செய்ய முடியாத நிலை ஏற்பட்டுள்ளது. இதனால் அத்தியாவசிய தேவைகளுக்கு தண்ணீர் பிடிக்க அப்பகுதி மக்கள் நீண்ட தூரம் செல்ல வேண்டிய அவல நிலை உள்ளதால் அவர்கள் பெரும் சிரமமடைந்து வருகின்றனர். எனவே மினி குடிநீர் தொட்டியை சீரமைத்து மீண்டும் பயன்பாட்டுக்கு கொண்டு வர சம்பந்தப்பட்ட அதிகாரிகள் உடனடி நடவடிக்கை எடுப்பார்களா?

ஆதரவு: 0

Enter Name and Email

Error in submitting

3 March 2024 4:42 PM GMT

பொதுமக்கள் | பண்ருட்டி

#44956

ஏரி ஆக்கிரமிப்பு

மேல்பட்டாம்பாக்கத்தில் உள்ள ஏரி மற்றும் வாய்க்காலை சிலர் ஆக்கிரமித்து பயன்படுத்தி வருகின்றனர். இதனால் மழைக்காலங்களில் ஏரிக்கு தண்ணீர் சீராக வருவதில்லை். மேலும் ஏரியில் அதிக அளவில் தண்ணீரை சேமித்து வைக்க முடியாத நிலை ஏற்பட்டுவதால் அப்பகுதியில் விவசாய பணிகள் கடுமையாக பாதிக்கப்பட்டு வருகிறது. எனவே விவசாயிகள் நலன் கருதி ஏரி மற்றும் வாய்க்கால் ஆக்கிரமிப்புகளை உடனே அகற்ற அதிகாரிகள் நடவடிக்கை எடுக்க வேண்டும் என பொதுமக்கள் எதிர்பார்த்து வருகின்றனர்.

ஆதரவு: 0

Enter Name and Email

Error in submitting

3 March 2024 4:37 PM GMT

கிராம மக்கள் | திட்டக்குடி

#44950

கைப்பம்பு சீரமைக்கப்படுமா?

மங்களூர் அருகே ஆலத்தூர் ஊராட்சியில் உள்ள கைப்பம்பு பழுதடைந்து கடந்த 6 மாதங்களாக காட்சி பொருளாக காணப்படுகிறது. இதனால் அதனை அப்பகுதி மக்கள் பயன்படுத்த முடியாத சூழ்நிலை ஏற்பட்டுள்ளது. மேலும் அங்குள்ள கழிவுநீர் கால்வாயும் தூர்ந்துபோய் கழிவுநீர் வெளியேறி வருகிறது. இதன் காரணமாக அப்பகுதி மக்கள் பெரும் சிரமம் அடைந்து வருகின்றனர். இதை தவிர்க்க அதிகாரிகள் உரிய நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

11 Feb 2024 5:38 PM GMT

பொதுமக்கள் | விருத்தாச்சலம்

#44432

மின்விபத்து அபாயம்

பெண்ணாடம் பேரூராட்சிக்குட்பட்ட 1-வது வார்டு திருமலை அகரம் மேற்கு பகுதியில் உள்ள மின்கம்பத்தின் அடியில் இருந்த குழாய் கடந்த சில மாதங்களுக்கு முன்பு உடைந்து தண்ணீர் வெளியேறியது. இதனால் மின்கம்பம் சாய்ந்து விழும் நிலை உருவானது. இதுபற்றி அறிந்த மின்வாரிய ஊழியர்கள் தற்காலிகமாக கம்பத்தின் உச்சியில் இருந்து மின்கம்பியை கட்டி அதன் மறுமுனையை அருகில் உள்ள வேப்பமரத்தில் கட்டினர். ஆனால் 7 மாதங்கள் ஆகியும் இன்னமும் சாய்ந்த மின்கம்பம் சரிசெய்யவில்லை. இதனால் மின்விபத்து ஏற்படும் அபாயம் உள்ளதால் அப்பகுதி மக்கள்...

ஆதரவு: 0

Enter Name and Email

Error in submitting

4 Feb 2024 1:53 PM GMT

பொதுமக்கள் | விருத்தாச்சலம்

#44178

சுகாதாரமற்ற குடிநீர் வினியோகம்

விருத்தாசலம் அருகே குப்பநத்தம் கிராமத்தில் பொதுமக்களுக்கு போதுமான அளவுக்கு குடிநீர் வழங்கப்படுவதில்லை. மேலும் வழங்கப்படுகிற குடிநீரும் சுகாதாரமான முறையில் வழங்கப்படுவதில்லை. இதனால் அப்பகுதி மக்கள் பெரும் சிரமம் அடைந்து வருகின்றனர். இந்த பிரச்சினையை தீர்க்க அதிகாரிகள் நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

31 Dec 2023 6:06 PM GMT

பொதுமக்கள் | விருத்தாச்சலம்

#43401

காட்சிப்பொருளான குடிநீர் தொட்டி

விருத்தாசலம் மேட்டு காலனியில் உள்ள மினி குடிநீர்தொட்டி பயன்பாடின்றி காட்சிப்பொருளாக உள்ளது. இதனால் அப்பகுதி மக்கள் குடிநீர் தட்டுப்பாட்டால் தினசரி அவதிப்பட்டு வருகின்றனர். எனவே குடிநீர் தொட்டியை பயன்பாட்டிற்கு கொண்டு வர அதிகாரிகள் நடவடிக்கை எடுப்பார்களா?

ஆதரவு: 0