தெருவில் வழிந்தோடும் கழிவுநீர்

விழுப்புரம் மஹாராஜாபுரம் வீட்டுவசதி வாரிய குடியிருப்பின் நுழைவாயிலில் உள்ள பாதாளசாக்கடை மேன்ஹோலில் இருந்து கழிவு நீர் கடந்த 20 நாட்களுக்கு மேலாக தெருவிலேயே வழிந்தோடுகிறது. இதனால் துர்நாற்றம் வீசுவதோடு, தொற்று நோய்பரவும் அபாயம் உள்ளது. குடியிருப்பு பகுதியில் வசிக்கும் மக்கள், மாணவ-மாணவிகள் தினமும் இந்த வழியாக வந்து செல்வதால் அவர்கள் மிகவும் சிரமம் அடைந்து வருகின்றனர். எனவே பாதாள சாக்கடை குழாயில் உள்ள அடைப்பை சரிசெய்து மேன்ஹோலில் இருந்து கழிவுநீர் வெளியேறுவதை தடுக்க நடவடிக்கை எடுக்க வேண்டும்.