கடும் துர்நாற்றம்

கோவை சிங்காநல்லூரை அடுத்த இருகூர் அருகே லட்சுமி கார்டன் உள்ளது. அந்த பகுதியில் 200-க்கும் மேற்பட்ட குடும்பத்தினர் வசித்து வருகின்றனர். ஆனால் தொடர் மழை காரணமாக அந்த பகுதி முழுவதும் தண்ணீர் தேங்கி உள்ளது. அங்குள்ள சாக்கடை கால்வாயில் அடைப்பு ஏற்பட்டு உள்ளது. இதனால் மழைநீருடன் சாக்கடை நீரும் கலந்து நிற்கிறது. இதன் காரணமாக கடும் துர்நாற்றம் வீசுகிறது. மேலும் நோய் பரவும் அபாயம் உள்ளது. எனவே அங்கு கால்வாய் அடைப்பை நீக்கி மழைநீர் தேங்காமல் இருக்க நடவடிக்கை எடுக்க வேண்டும்.