சாலையில் வழிந்தோடும் கழிவுநீர்

பெங்களூரு ராஜாஜிநகர் 6-வது பிளாக் பகுதியில் பள்ளி ஒன்று உள்ளது. அந்த பள்ளியின் எதிரே சாலையில் பாதாள சாக்கடை அமைக்கப்பட்டு உள்ளது. அந்த பாதாள சாக்கடையில் அடைப்பு ஏற்பட்டு இருக்கிறது. இதனால் அதிலிருந்து கழிவுநீர் வெளியேறி சாலையில் ஆறுபோல் ஓடுகிறது. இதனால் அந்த பகுதியில் துர்நாற்றம் வீசுவதுடன் சுகாதார சீர்கேடு ஏற்படும் அபாயம் உள்ளது. மேலும் இதனால் பாதசாரிகள் அவதி அடைகின்றனர். எனவே மாநகராட்சி அதிகாரிகள் பாதாள சாக்கடை அடைப்பை சீர்செய்து கழிவுநீர் வெளியேறாமல் தடுக்க வேண்டும்.