கவுண்டம்பாளையம் &gt; மற்றவை

கோவை சீரநாயக்கன்பாளையம் பகுதியில் தெருநாய்கள் தொல்லை நாளுக்குநாள் அதிகரித்து வருகிறது. அவை அந்த வழியாக செல்லும் பாதசாரிகள் மற்றும் வாகன ஓட்டிகளை துரத்தி சென்று கடிக்க முயல்கின்றன. அப்போது அவர்கள் விபத்தில் சிக்குகிறார்கள். மேலும் போக்குவரத்துக்கும் இடையூறு ஏற்படுகிறது. இதனால் அப்பகுதி பொதுமக்கள் கடும் அவதிப்பட்டு வருகிறார்கள். எனவே தெருநாய்கள் தொல்லைைய கட்டுப்படுத்த மாநகராட்சி அதிகாரிகள் உரிய நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

4 Feb 2024 12:34 PM GMT

Mr.V.Ramachandran | கவுண்டம்பாளையம்

#44131

விஷ ஜந்துகள் நடமாட்டம்

கோவை தடாகம் சாலை மாநகராட்சி வாழைக்காய் கமிஷன் மண்டி அருகில் பொதுக்கழிப்பிடம் ஒன்று உள்ளது. இந்த கழிப்பிடத்தை சுற்றிலும் புதர் செடிகள் வளர்ந்து காணப்படுகிறது. இதனால் பாம்பு உள்ளிட்ட விஷ ஜந்துகள் நடமாட்டம் காணப்படுகிறது. மேலும் குப்பைகள் குவிந்து கிடப்பதோடு கழிவுநீரும் தேங்கி காணப்படுகிறது. இதுகுறித்து பலமுறை அதிகாரிகளிடம் தெரிவித்தும் உரிய நடவடிக்ககை இல்லை. எனவே இனிமேலாவது இந்த பிரச்சினைக்கு தீர்வு காண முன்வர வேண்டும்.

ஆதரவு: 0

Enter Name and Email

Error in submitting

26 Nov 2023 10:22 AM GMT

Binu balan R | கவுண்டம்பாளையம்

#42343

மூடி கிடக்கும் கழிப்பிடம்

துடியலூர் அருகே கணுவாய் பஸ் நிலையத்தில் பொது கழிப்பிடம் ஒன்று உள்ளது. இந்த கழிப்பிடம் முறையாக பராமரிக்கப்படுவது இல்லை. இதன் காரணமாக அங்கு செல்வதை பொதுமக்கள் தவிர்த்து வந்தனர். இதனால் கழிப்பிடம் மூடப்பட்டது. அதன்பிறகு இதுவரை அந்த கழிப்பிடம் பராமரிக்கப்பட்டு திறக்கப்படவில்லை. இதனால் அங்கு வந்து செல்லும் பொதுமக்கள் இயற்கை உபாதைகளை கழிக்க இடமின்றி தவிக்கும் நிலையை காண முடிகிறது. எனவே அந்த கழிப்பிடத்தை முறையாக பராமரித்து திறக்க அதிகாரிகள் ஆவண செய்ய வேண்டும்.

ஆதரவு: 2

Enter Name and Email

Error in submitting

1 Oct 2023 10:31 AM GMT

தீனதயாளன் | கவுண்டம்பாளையம்

#40774

கொசுத்தொல்லை

கோவை கவுண்டம்பாளையம் மாரியம்மன் கோவில் வீதி, விநாயகர் கோவில் வீதி, செந்தமிழ் நகர், மூவர் நகர் ஆகிய பகுதிகளில் கொசுத்தொல்லை அதிகளவில் உள்ளது. அதுவும் இரவில் மின்தடை ஏற்பட்டு விட்டால், கொசுக்கடியில் தப்பிக்கவே முடிவது இல்லை. இதனால் நோய் பரவும் அபாயம் நிலவுகிறது. ஏற்கனவே டெங்கு உள்ளிட்ட நோய்கள் பரவி வருகிறது. இதனால் பொதுமக்கள் அச்சப்படுகிறார்கள். எனவே கொசுத்தொல்லையை கட்டுப்படுத்த சுகாதார பணிகளை அதிகாரிகள் முடுக்கி விட வேண்டும்.

ஆதரவு: 0

Enter Name and Email

Error in submitting

27 Sep 2023 11:34 AM GMT

பார்த்தசாரதி | கவுண்டம்பாளையம்

#40581

விஷ ஜந்துகள் நடமாட்டம்

கோவை மாநகராட்சி 15-வது வார்டு சுப்பிரமணியம்பாளையம் கே.எம்.வி. கார்டன் செல்லும் வழியில் உயர் கோபுர மின்கம்பம் ஒன்று உள்ளது. இந்த மின்கம்பத்தை சுற்றிலும் புதர் செடிகள் அடர்ந்து வளர்ந்து உள்ளது. இதில் பாம்பு உள்ளிட்ட விஷ ஜந்துகள் பதுங்கி உள்ளன. இந்த வழியே பள்ளி மாணவர்கள் உள்பட அனைத்து தரப்பினரும் நடந்து சென்று வருகின்றனர். அவர்களை அங்கு நடமாடும் விஷ ஜந்துகள் தாக்கும் அபாயம் காணப்படுகிறது. எனவே அந்த மின்கம்பத்தை சுற்றி வளர்ந்துள்ள புதர் செடிகளை அகற்ற வேண்டும்.

ஆதரவு: 0

Enter Name and Email

Error in submitting

30 July 2023 9:06 AM GMT

தீனதயாளன் | கவுண்டம்பாளையம்

#37059

மதுப்பிரியர்கள் தொல்லை

கோவை கவுண்டம்பாளையம் மூவர் நகரில் ரேஷன் கடை செயல்பட்டு வருகிறது. இந்த ரேஷன் கடை முன்பு இரவில் மதுப்பிரியர்கள் அமர்ந்து மது அருந்துகின்றனர். மேலும் காலி மதுபாட்டில்களை உடைத்து வீசிவிட்டு செல்கின்றனர். இதனால் சாலையில் ரேஷன் கடைக்கு வரும் ஊழியர்கள், பொதுமக்கள் அவதிப்படுகிறார்கள். எனவே அந்த பகுதியில் மதுப்பிரியர்களின் தொல்லையை கட்டுப்படுத்த போலீசார் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

14 Jun 2023 9:16 AM GMT

R. சாமிநாதன் | கவுண்டம்பாளையம்

#34365

ரேஷன் கடையை திறப்பதில் தாமதம்

கோவை அருகே வெள்ளக்கிணறு பகுதியில் ரேஷன் கடை செயல்பட்டு வருகிறது. இந்த கடை குறித்த நேரத்துக்கு திறப்பது இல்லை. காலையில் தாமதமாக திறப்பதோடு மாலையில் முன்கூட்டியே அடைத்து விடுகின்றனர். இதனால் அங்கு அத்தியாவசிய பொருட்களை வாங்க செல்லும் பொதுமக்கள் சிரமம் அடைகின்றனர். இதுகுறித்து கேட்டால் முறையான பதில் அளிப்பது இல்லை. எனவே குறித்த நேரத்துக்கு ரேஷன் கடை செயல்பட நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

23 April 2023 9:33 AM GMT

சண்முகராஜ் | கவுண்டம்பாளையம்

#31307

தெருநாய்கள் தொல்லை

கோவை இருட்டுப்பள்ளம் கிராமத்தில் தெருநாய்கள் தொல்ைல அதிகரித்து வருகிறது. அவை சாலைகளிலும், வீதிகளிலும் கூட்டம், கூட்டமாக சுற்றித்திரிகின்றன. இதனால் அந்த வழியாக வாகனங்களில் செல்பவர்கள், நடந்து செல்பவர்கள் அச்சமடைந்து வருகின்றனர். குறிப்பாக இருசக்கர வாகனங்களில் செல்பவர்கள் விபத்தில் சிக்கி விடுகின்றனர். குழந்தைகளை தெருநாய்கள் துரத்துவதால், அவர்கள் கீழே தவறி விழுந்து காயம் அடைகின்றனர். எனவே தெருநாய்கள் தொல்லையை கட்டுப்படுத்த வேண்டும்.

ஆதரவு: 0

Enter Name and Email

Error in submitting

5 March 2023 7:32 AM GMT

ராஜா | கவுண்டம்பாளையம்

#28317

ஆபத்தான மரம்

கோவையை அடுத்த உருமாண்டம்பாளையம் ரெயில்வே கேட் அருகே பட்டுப்போன நிலையில் புளியமரம் ஒன்று நிற்கிறது. பலத்த காற்று வீசும்போது, அந்த மரம் சாய்ந்து விழும் அபாயம் நிலவுகிறது. அப்போது அந்த வழியாக செல்பவர்கள் விபத்தில் சிக்க வாய்ப்பு உள்ளது. மேலும் அதன் கிளைகள் உடைந்து, அந்த வழியாக செல்லும் மின்கம்பிகள் மீது விழுந்து உள்ளதால், மின் விபத்து ஏற்படலாம். எனவே ஆபத்தான அந்த மரத்தை வெட்டி அகற்ற வேண்டும்.

ஆதரவு: 0

Enter Name and Email

Error in submitting

1 March 2023 7:43 AM GMT

அருணாசலம் | கவுண்டம்பாளையம்

#28093

சுகாதார நிலையம் வேண்டும்

கோவை கூடலூர் நகராட்சி 1-வது வார்டு செல்வபுரம், கட்டாங்கிமலை அடிவாரத்தில் ஏழை, எளிய மக்கள் பலர் வசித்து வருகின்றனர். இவர்கள் மருத்துவ வசதி பெற 7 மைல் தூரம் உள்ள பெரியநாயக்கன்பாளையம் அரசு ஆஸ்பத்திரிக்கு வர வேண்டிய நிலை உள்ளது. போக்குவரத்து வசதி அதிகம் இல்லாத நிலையில், நீண்ட தூரம் சென்று வருவதில் மிகவும் சிரமமாக உள்ளது. எனவே கட்டாங்கிமலை பகுதியில் ஆரம்ப சுகாதார நிலையம் அமைத்து தர அதிகாரிகள் முன்வர வேண்டும்.

ஆதரவு: 0

Enter Name and Email

Error in submitting

12 Feb 2023 9:11 AM GMT

மனோ | கவுண்டம்பாளையம்

#27050

விஷ ஜந்துகளின் புகலிடம்

கோவை மாநகராட்சி 99-வது வார்டு கோணவாய்க்கால்பாளையம் மாநகராட்சி நடுநிலைப்பள்ளி மேற்கு புறத்தில் பொங்காளிபுதூர் செல்லும் சாலையாரம் புதர் செடிகள் அடர்ந்து வளர்ந்து உள்ளது. இதனால் அந்த பகுதி விஷ ஜந்துகளின் புகலிடமாக விளங்குகிறது. இதன் காரணாக அருகில் வசிக்கும் பொதுமக்கள் அச்சப்படுகிறார்கள். எனவே புதர் செடிகளை வெட்டி அகற்ற அதிகாரிகள் முன்வர வேண்டும்.

ஆதரவு: 0

Enter Name and Email

Error in submitting

8 Jan 2023 9:36 AM GMT

M.Boopathy | கவுண்டம்பாளையம்

#25063

குதிரைகளால் விபத்து

கோவை கவுண்டம்பாளையம் பகுதியில் உள்ள சாலைகளில் குதிரைகள் நடமாட்டம் அதிகளவில் இருக்கிறது. இதனால் அடிக்கடி போக்குவரத்து பாதிப்பு ஏற்படுகிறது. சில நேரங்களில் குதிரைகள் மீது வாகனங்கள் மோதி விபத்துகளும் நிகழ்கிறது. குறிப்பாக இருசக்கர வாகன ஓட்டிகள் விபத்தில் சிக்கி காயமடைந்து செல்லும் நிலை உள்ளது. எனவே சாலைகளில் குதிரைகள் நடமாட்டத்தை கட்டுப்படுத்த சம்பந்தப்பட்ட துறை அதிகாரிகள் ஆவன செய்ய வேண்டும்.

ஆதரவு: 0