சூலூர் &gt; மற்றவை

சூலூர் தாலுகா பட்டணம் கணேஷ் நகர், காவேரி நகர் பகுதிகளில் ஆங்காங்கே தெருநாய்கள் கூட்டம் கூட்டமாக சுற்றித்திரிகின்றன. இந்த தெருநாய்கள் சாலையோரத்தில் நடந்து செல்லும் வயதானவர்கள், சிறுவர்கள் மற்றும் இருசக்கர வாகனத்தில் செல்பவர்களை துரத்தி சென்று கடித்து வருகின்றன. இதனால் பொதுமக்கள் அச்சத்துடனே செல்லும் நிலை உள்ளது. எனவே தெருநாய்களை கட்டுப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

28 Jan 2024 10:06 AM GMT

ஆதித்யன் | சூலூர்

#43937

வழிப்பறி சம்பவங்கள்

சூலூர் அருகே எல் அண்டு டி பைபாஸ் சாலையில் நீலாம்பூர் பகுதியில் இரவு நேரங்களில் இருசக்கர வாகனங்களில் வரும் பொதுமக்களை மறித்து செல்போன், பணம் உள்ளிட்டவற்றை பறித்து செல்லும் சம்பவங்கள் தொடர்ந்து நடைபெறுகிறது. இதுபோன்ற சம்பவங்களால் அந்த வழியாக இருசக்கர வாகனத்தில் செல்பவர்கள் ஒருவித அச்சத்துடன் பயணிக்க வேண்டிய நிலை உள்ளது. சில நேரங்களில், தாக்குதல் சம்பவங்களும் நடக்கிறது. எனவே இதுபோன்று வழிப்பறி சம்பவங்களில் ஈடுபடுவோரை பிடிக்க போலீசார் தீவிர கண்காணிப்பு பணியில் ஈடுபட வேண்டும்.

ஆதரவு: 1

Enter Name and Email

Error in submitting

21 Jan 2024 1:01 PM GMT

Mr.V.Ramachandran | சூலூர்

#43821

கழிப்பிடம் பயன்பாட்டுக்கு வருமா?

சூலூர் அருகே காடாம்பாடி ஊராட்சி குமாரபாளையம் கிராமத்தில் உள்ள ஆதி திராவிடர் காலனியில் புதிதாக பொது கழிப்பிடம் கட்டப்பட்டது. இந்த கழிப்பிடம் கட்டப்பட்டு நீண்ட நாட்கள் ஆகியும் தண்ணீர் வசதியோ, மின்சார வசதியோ செய்து கொடுக்கப்படவில்லை. இதன் காரணமாக கழிப்பிடத்தை பயன்படுத்த முடியாமல் பொதுமக்கள் சிரமம் அடைந்து வருகின்றனர். எனவே போதிய வசதிகளை செய்து கொடுத்து விரைவில் கழிப்பிடத்தை பயன்பாட்டுக்கு கொண்டு வர வேண்டும்.

ஆதரவு: 2

Enter Name and Email

Error in submitting

10 Sep 2023 10:58 AM GMT

Mani | சூலூர்

#39525

விவசாய நிலங்களில் மது பாட்டில்கள்

சூலூர் தாலுகா பகுதியில் செயல்படும் சில டாஸ்மாக் கடைகளில் ஸ்டிக்கர் ஒட்டப்படாமல் மதுபாட்டில்கள் விற்பனை செய்யப்படுகின்றன. இதன் காரணமாக மதுப்பிரியர்கள் மது வாங்கி குடித்துவிட்டு காலி பாட்டில்களை திரும்ப ஒப்படைப்பது இல்லை. இதன் காரணமாக அவர்கள் விவசாய நிலங்களில் பாட்டில்களை வீசியெறிந்து செல்கின்றனர். இதனால் விவசாயிகள் பாதிக்கப்படுகிறார்கள். இந்த பிரச்சினைக்கு அதிகாரிகள் உரிய நடவடிக்ைக எடுக்க வேண்டும்.

ஆதரவு: 3

Enter Name and Email

Error in submitting

27 Aug 2023 10:29 AM GMT

மூர்த்தி | சூலூர்

#38714

மதுப்பிரியர்கள் அட்டகாசம்

சுல்தான்பேட்டை அருகே செஞ்சேரிமலையில் பி.ஏ.பி. கால்வாய் உள்ள பகுதியில் பயணிகள் நிழற்குடை அமைக்கப்ட்டு இருக்கிறது. இந்த நிழற்குடைக்குள் இரவில் மதுப்பிரியர்கள் அமர்ந்து மது அருந்துகின்றனர். பின்னர் காலி மதுபாட்டில்களை உடைத்து வீசி விட்டு செல்கின்றனர். இதனால் காலையில் பஸ் ஏற வரும் பயணிகள் கடும் அவதி அடைந்து வருகின்றனர். எனவே மதுப்பிரியர்கள் அட்டகாசத்துக்கு தீர்வு காண இரவு நேர ரோந்து பணியை போலீசார் தீவிரப்படுத்த வேண்டும்.

ஆதரவு: 0

Enter Name and Email

Error in submitting

20 Aug 2023 10:09 AM GMT

மூர்த்தி | சூலூர்

#38303

மதுப்பிரியர்கள் தொல்லை

சுல்தான்பேட்டை அருகே செஞ்சேரிமலை பி.ஏ.பி. வாய்க்கால் மேடு பகுதியில் மாலை நேரங்களில் மதுப்பிரியர்கள் அமர்ந்து மது குடிக்கின்றனர். பின்னர் காலி மது பாட்டில்களை அங்கேயே உடைத்து வீசிவிட்டு செல்கின்றனர். மேலும் போதை தலைக்கேறியதும் அந்த வழியாக செல்பவர்களை மறித்து தகராறில் ஈடுபடுகின்றனர். இதனால் அந்த வழியாக செல்லவே பொதுமக்கள் அச்சப்படுகிறார்கள். எனவே மதுப்பிரியர்கள் தொல்லையை கட்டுப்படுத்த போலீசார் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

11 Jun 2023 12:17 PM GMT

ஊர் மக்கள் | சூலூர்

#34201

ஈக்கள் தொல்லை

சூலூர் தாலுகா சித்தநாயக்கன்பாளையம் அருகே கோழிப்பண்ணைகள் அதிகளவில் உள்ளன. இந்த கோழிப்பண்ணைகள் முறையாக சுத்தம் செய்யப்படுவது இல்லை. இதன் காரணமாக ஈக்கள் தொல்லை அதிகரித்து வருகிறது. வீடுகளிலும், கடைகளிலும் உள்ள உணவு பொருட்களில் கூட்டம், கூட்டமாக ஈக்கள் மொய்ப்பதால், அனைத்து தரப்பினரும் அவதிப்படுகிறார்கள். மேலும் தொற்று நோய் பரவும் அபாயம் நிலவுகிறது. எனவே ஈக்கள் தொல்லையை கட்டுப்படுத்த சம்பந்தப்பட்ட துறை அதிகாரிகள் முன்வர வேண்டும்.

ஆதரவு: 5

Enter Name and Email

Error in submitting

2 April 2023 9:07 AM GMT

Mani | சூலூர்

#30042

சுகாதார நிலையம் பராமரிக்கப்படுமா?

சூலூர் அருகே உள்ள கோதபாளையம் கிராமத்தில் துணை சுகாதார நிலையம் செயல்பட்டு வருகிறது. இந்த கட்டிடம் முறையாக பராமரிக்கப்படுவது இல்லை. இதன் காரணமாக கட்டிடம் பழுதடைந்து காணப்படுகிறது. மேலும் துணை சுகாதார நிலையமே பொலிவிழந்து உள்ளது. எனவே அந்த கட்டிடத்தை முறையாக பராமரித்து, பொலிவுபடுத்த சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.

ஆதரவு: 3

Enter Name and Email

Error in submitting

22 March 2023 10:43 AM GMT

கருணாகரன் | சூலூர்

#29414

மயானம் சீரமைக்கப்படுமா?

கோவை குறிச்சி மற்றும் போத்தனூர் பகுதியில் வசிக்கும் அனைத்து சமுதாய மக்களுக்கும் இறந்தவர்களின் உடல்களை குறிச்சி மயானத்தில் தகனம் மற்றும் அடக்கம் செய்து வந்தனர். ஆனால் தற்போது அந்த மயானம் மிகவும் மோசமான நிலையில் உள்ளது. மேலும் மக்கள் நடமாட முடியாத நிலையில் காணப்படுவதால் இறந்தவர்களின் உடல்களை அடக்கம் செய்ய முடியாத நிலை நிலவி வருகிறது. அதனால் சம்பந்தப்பட்ட அதிகாரிகள் குறிச்சி மயானத்தை சீரமைக்க ஆவன செய்ய வேண்டும்.

ஆதரவு: 0

Enter Name and Email

Error in submitting

22 Feb 2023 8:53 AM GMT

Ramesh | சூலூர்

#27676

நூலகம் திறக்கப்படுமா?

சூலூர் தாலுகாவிற்கு உட்பட்ட காடம்பாடி ஊராட்சியில் பகுதி நேர நூலகம் அமைந்து உள்ளது. ஆனால் அந்த நூலகம், திறக்கப்படாமல் கிடக்கிறது. இதனால் அங்குள்ள மாணவ-மாணவிகள், இளைஞர்கள், முதியவர்கள் புத்தகம் வாசிக்க முடியாமல் போகிறது. மேலும் போட்டி தேர்வுகளுக்கு தயாராகி வருபவர்கள் சிரமம் அடைகின்றனர். எனவே அந்த பகுதி நேர நூலகத்தை திறக்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.

ஆதரவு: 8

Enter Name and Email

Error in submitting

15 Feb 2023 10:07 AM GMT

பிரகாஷ் | சூலூர்

#27257

புதர் செடிகளை அகற்ற வேண்டும்

கோவை கீரணத்தம் புதுப்பாளையம் சாலையோரத்தில் குப்பைகள் அதிகளவில் கொட்டி வைக்கப்பட்டு உள்ளது. மேலும் அதனருகில் புதர் செடிகள் அடர்ந்து வளர்ந்து காணப்படுகிறது. அவை வெயிலில் காய்ந்து கிடப்பதால், அடிக்கடி தீ பரவி வருகிறது. அந்த தீ குப்பைகளுக்கும் பரவுகிறது. இதனால் புகைமூட்டம் ஏற்பட்டு, அந்த வழியாக செல்பவர்கள் மூச்சுத்திணறலால் அவதிப்படுகிறார்கள். மேலும் அருகில் உள்ள குடியிருப்பு பகுதிக்கு தீ பரவ வாய்ப்பு உள்ளது. எனவே புதர் செடிகளை அகற்ற வேண்டும்.

ஆதரவு: 0

Enter Name and Email

Error in submitting

4 Dec 2022 2:14 PM GMT

மணிகண்டன் | சூலூர்

#22915

ஆகாய தாமரைகளை அகற்றலாமே?

கோவையை அடுத்த சூலூரில் குளம் ஒன்று உள்ளது. இந்த குளத்தை ஆகாய தாமரைகள் ஆக்கிரமித்து உள்ளன. இதனால் தண்ணீர் மாசுபட்டு வருகிறது. இதன் காரணமாக அந்த தண்ணீரை குடிநீருக்கு பயன்படுத்துபவர்களுக்கு பல்வேறு நோய்கள் ஏற்படும் அபாயம் நிலவுகிறது. மேலும் கடும் துர்நாற்றம் வீசுகிறது. எனவே அந்த குளத்தில் உள்ள ஆகாய தாமரைகளை முழுவதுமாக அகற்ற சம்பந்தப்பட்ட துறையினர் முன்வர வேண்டும்.

ஆதரவு: 1