தஞ்சை மாவட்டம் பூதலூர் தாலுகா வெண்டையம்பட்டி ஊராட்சியில் இடுகாடு உள்ளது. இந்த இடுகாட்டில் இறுதிச்சடங்கு செய்வதற்கு வசதியாக கைப்பம்பு அமைக்கப்பட்டது. இந்த கைப்பம்பு சேதமடைந்து உள்ளது. இதனால் இறுதி சடங்கு செய்வதற்கு வீடுகளில் இருந்து தண்ணீர் கொண்டு வரக்கூடிய நிலை உள்ளது. இதன்காரணமாக இடுகாட்டுக்கு இறுதி சடங்கு செய்ய வருபவர்கள் சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் இடுகாட்டில் உள்ள கைப்பம்பை சீரமைக்க நடவடிக்கை எடுக்க வேண்டும்.