கூடலூர் பழைய பஸ் நிலையத்தில் போக்குவரத்து சிக்னல் அருகே குடிநீர் குழாய் செல்கிறது. இந்த குழாய் மிகவும் பழுதடைந்து காணப்படுகிறது. இதனால் அவ்வப்போது குழாயில் உடைப்பு ஏற்பட்டு, குடிநீர் வீணாகி வருகிறது. இதுகுறித்து பலமுறை அதிகாரிகளிடம் புகார் தெரிவித்தும் உரிய நடவடிக்கை எடுக்கவில்லை. தற்போது கூட அந்த குழாய் உடைந்து குடிநீர் வீணாகிறது. மேலும் அந்த வழியாக நடந்து செல்பவர்கள் மீது குடிநீர் தெளிக்கிறது. இதனால் அவர்கள் அவதிப்படுகிறார்கள். எனவே பழுதடைந்த நிலையில் காணப்படும் அந்த குழாயை மாற்ற அதிகாரிகள் உடனடியாக முன்வர வேண்டும்.