பந்தலூர் அருகே பந்தப்பிளா பகுதியில் ஏராளமான பொதுமக்கள் வசித்து வருகின்றனர். இந்த பகுதியில் சரிவர குடிநீர் வசதி இல்லை. இதனால் குடிநீருக்காக நீண்ட தூரத்துக்கு அலைந்து திரியும் அவல நிலை காணப்படுகிறது. இதுகுறித்து நடவடிக்கை எடுக்க சேரங்கோடு ஊராட்சிக்கு பலமுறை கோரிக்கை விடுக்கப்பட்டது. ஆனால் இதுவரை எந்த நடவடிக்கையும் எடுக்கப்படவில்லை. இதனால் குடிநீர் தட்டுப்பாடு காரணமாக அந்த பகுதி மக்கள் பாதிக்கப்பட்டு வருகின்றனர். எனவே குடிநீர் வசதி ஏற்படுத்தி தர அதிகாரிகள் உரிய நடவடிக்கை எடுக்க வேண்டும்.