கூடலூர் 1-ம் மைலில் இருந்து செம்பாலா செல்லும் இணைப்பு சாலையில் நகராட்சி குழாய் மிகவும் பழுதடைந்து உடைந்து கிடக்கிறது. இதனால் அங்கு குடிநீர் மாதக்கணக்கில் வீணாகி வருகிறது. இது குறித்து பலமுறை புகார் தெரிவித்தும், நகராட்சி நிர்வாகம் குழாயை சீரமைக்க நடவடிக்கை எடுக்கவில்லை. கோடை காலம் தொடங்கியுள்ள நிலையில், குடிநீர் வீணாவது பொதுமக்களிடையே அதிருப்தியை ஏற்படுத்தியுள்ளது. எனவே இனிவரும் நாட்களிலாவது குழாய்களை சீரமைக்க அதிகாரிகள் உரிய நடவடிக்கை எடுக்க வேண்டும்.