குடவாசல் தாலுகாவில் எரவாஞ்சேரி பகுதியில் இருந்து கிருஷ்ணாபுரம், தென்கரை, நல்லிசேரி, கடகம்பாடி, நல்லிசேரி உள்ளிட்ட பகுதிகள் வழியாக பூந்தோட்டம் பகுதிக்கு தினமும் ஏராளமானோர் சென்று வருகின்றனர். இந்த வழித்தடத்தில் காலை நேரத்தில் போதிய பஸ் வசதி இல்லை. இதனால் பள்ளி,கல்லூரி மாணவ-மாணவிகள், அரசு மற்றும் தனியார் வேலைகளுக்கு செல்வோர் மிகவும் அவதியடைந்து வருகின்றனர். மேலும் கூட்டமாக வரும் பஸ்களில் படிகளில் தொங்கி கொண்டு ஆபத்தான பயணங்களை மேற்கொண்டு வருகின்றனர். எனவே சம்பந்தப்பட்ட அதிகாரிகள் உரியநடவடிக்கை எடுக்கவேண்டும் என்று பொதுமக்கள் கோரிக்கை விடுத்துள்ளனர்.