திருப்பத்தூர் மாநகராட்சி 36-வது வார்டுக்கு உட்பட்ட தில்லை நகர் பகுதியில் பாதாள சாக்கடையில் இருந்து கழிவுநீர் வழிந்து தெருக்களில் ஓடுகிறது. அந்தத் தெருக்களில் வசிப்போர் கழிவுநீரை மிதித்துக் கொண்டு வீட்டுக்குள் செல்லும் அவலம் ஏற்பட்டுள்ளது. இதனால் அப்பகுதியில் துர்நாற்றம் வீசுகிறது. சுகாதார சீர்கேடு ஏற்பட்டுள்ளது. கழிவுநீரில் கொசுக்கள் உற்பத்தியாகி இரவில் தூங்க முடியவில்லை. இதுகுறித்து பலமுறை நகராட்சியில் புகார் தெரிவித்தும் நடவடிக்கை எடுக்கவில்லை. இனியாவது, தில்லை நகர் பகுதியில் பாதாள சாக்கடையை சரி செய்ய அதிகாரிகள் நடவடிக்கை எடுப்பார்களா?
-லவ்வோ சங்கர், திருப்பத்தூர்.