தர்மபுரி மாவட்டம் பாப்பிரெட்டிப்பட்டியை அடுத்த வெங்கட்சமுத்திரம் ஊராட்சிக்கு உட்பட்ட பெரியார் நகர், வீட்டு வசதி வாரிய குடியிருப்பு, திரு.வி.க. நகர், மின்வாரிய அலுவலகம், உள்ளிட்ட பகுதிகளில் சுமார் 10 ஆயிரத்துக்கும் மேற்பட்ட குடும்பங்கள் வசித்து வருகின்றன. இவர்கள் வீட்டில் இருந்து வெளியேறும் கழிவுநீர் அனைத்தும் தாலுகா அலுவலகம் வழியாகச் சென்று வெளியே செல்ல வேண்டும். ஆனால், அவ்வாறு கழிவுநீர் வெளியே செல்லும் வழியில் ஆக்கிரமிப்புகள் இருப்பதால் பாப்பிரெட்டிப்பட்டி தாலுகா அலுவலகத்தில் கழிவுநீர் தேங்கி நிற்கிறது. இதனால் அலுவலகத்திற்கு வரும் பொதுமக்கள் அவதியடைகின்றனர். எனவே தேங்கி நிற்கும் கழிவுநீரை உடனடியாக அகற்ற அதிகாரிகள் நடவடிக்கை எடுக்க வேண்டும்.
-சந்தோஷ், பாப்பிரெட்டிப்பட்டி, தர்மபுரி.