ஆபத்தான ஓடை

நாகர்கோவில் மாநாகராட்சிக்கு உட்பட்ட வைத்தியநாதபுரம் வீரசிவாஜி தெருவில் இருந்து இந்துக்கல்லூரிக்கு செல்லும் சாலை உள்ளது. இந்த தெருவில் தினமும் நூற்றுக்கணக்கான வாகனங்களும், பள்ளி-கல்லூரி மாணவர்களும், பொதுமக்களும் சென்று வருகின்றனர். இந்த தெருவில் சாலையோரம் அமைக்கப்பட்டுள்ள கழிவுநீர் ஓடையின் அருகில் தடுப்பு சுவரோ, ஓடை மூடுவதற்கான சிமெண்டு சிலாப்புகளோ அமைக்கப்படாமல் உள்ளது. இதனால், அந்த வழியாக செல்வோர் விபத்தில் சிக்கும் அபாயம் ஏற்பட்டுள்ளது. எனவே, சம்பந்தப்பட்ட அதிகாரிகள் கழீவுநீர் ஓடையின் மீது சிமெண்டு சிலாப்புகள் அமைத்து மூடிட நடவடிக்கை எடுக்க வேண்டும்.
ஆர்.வி.நாராயணன், வைத்தியநாதபுரம்.