அரூர் ஊராட்சி ஒன்றியம் எம்.வெளாம்பட்டி ஊராட்சி சிங்கிரிப்பட்டி கிராமத்திலிருந்து காந்திநகர் செல்லும் தார் சாலை ஜல்லிக்கற்கள் பெயர்ந்து குண்டும், குழியுமாக காட்சியளிக்கிறது. இதனால் இந்த சாலை வழியாக செல்லும் பள்ளி மற்றும் கல்லூரி பஸ்கள், விவசாயிகள், பொதுமக்கள் உள்பட பலரும் விபத்துக்குள்ளாகி வருகிறார்கள். எனவே பொதுமக்களின் நலன் கருதி சிங்கிரிப்பட்டியில் இருந்து காந்திநகர் செல்லும் தார்சாலை சீரமைக்கப்படுமா?