குடிமங்கலத்தில் இருந்து முத்துசமுத்திரம் வழியாக சனுப்பட்டி வல்லகுண்டபுரத்திற்கு கிராம இணைப்புச் சாலை உள்ளது. இந்தச் சாலையின் வழியாக இருசக்கர வாகனங்கள் மட்டுமின்றி கனரக வாகனங்களும் சென்று வருகின்றன. இப்பகுதிகளில் விவசாயம் பிரதான தொழிலாக இருந்து வரும் நிலையில் விவசாயிகள் தங்களது விளை நிலங்களில் விளைந்த தானியங்களை இந்த சாலை வழியாகதான் கொண்டு செல்கின்றனர். இந்த நிலையில் சாலை ஆங்காங்கே சேதமடைந்து குண்டும், குழியுமாக காணப்படுகிறது. இதனால் இருசக்கர வாகனங்களில் செல்பவர்கள் விபத்தில் சிக்கும் அபாயம் உள்ளது. மேலும் வாகன ஓட்டிகள் இரவு நேரங்களில் பெரும் சிரமத்திற்கு உள்ளாகின்றனர். எனவே கிராம இணைப்பு சாலையை சீரமைக்க வேண்டும்.
-சிவா, குடிமங்கலம்.