வேகத்தடை அமைக்கப்படுமா?

திருவாரூர் மாவட்டம் குடவாசல் அருகே பூந்தோட்டம் நாச்சியார் கோவில் சாலையில், கூந்தலூர் நெடுஞ்சாலை உள்ளது. இந்த நெடுஞ்சாலையில் செட்டியார் தெருவில் 3 வளைவு அருகே சாலையில் வேகத்தடை அமைக்கப்படாமல் உள்ளது. இதனால் அந்த சாலையில் வாகனங்கள் அதிவேகமாக சென்று வருகிறது. இதன் காரணமாக அந்த சாலையில் உள்ள வளைவு பகுதியில் அடிக்கடி விபத்துகள் ஏற்படுகிறது. மேலும், வாகனங்கள் வேகமாக செல்வதால் பொதுமக்கள் சாலையை அச்சத்துடன் கடந்து சென்று வருகின்றனர். வேகத்தடை இல்லாததால் வாகன ஓட்டிகளும் சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் வேகத்தடை அமைக்க நடவடிக்கை எடுப்பார்களா?