திருவாரூர் மாவட்டம் மன்னார்குடி தாலுகா கோட்டூரை அடுத்த மண்ணுமுண்டான் பகுதியில் கர்ணாவூர் கிராமம் உள்ளது. இந்ந கிராமத்தில் உள்ள ஆதிதிராவிடர் தெற்கு தெருவுக்கு முறையான சாலை வசதி இல்லை. இதன்காரணமாக அந்த பகுதி மக்கள் மண்பாதையை பயன்படுத்தி வருகின்றனர். மழைக்காலங்களில் மண்பாதை சேறும், சகதியுமாக மாறிவிடுகிறது. இதனால் பொதுமக்கள், மாணவ-மாணவிகள் அந்த வழியாக செல்ல முடியாத சூழல் ஏற்படுகிறது. அதுமட்டுமின்றி வாகனங்களும் சேற்றில் சிக்கிகொள்வதால் வாகன ஓட்டிகளும் மிகுந் சிரமத்துக்குள்ளாகி வருகின்றனர்.எனவே, சம்பந்தப்பட்ட அதிகாரிகள் மேற்கண்ட பகுதியில் சாலை வசதி செய்து தர நடவடிக்கை எடுப்பார்களா?