தர்மபுரி- கிருஷ்ணகிரி சாலையில் பழைய தர்மபுரி பகுதி வரை உள்ள சாலை மிகவும் சேதமடைந்து உள்ளது. இந்த நிலையில் ராமாக்காள் ஏரிஅருகே சாலை சீரமைப்பு பணி நடந்து வருகிறது. இந்த பகுதியில் சாலையின் நடுவே உள்ள தடுப்பில் அமைக்கப்பட்டுள்ள மின் விளக்குகள் இரவு நேரங்களில் பெரும்பாலும் எரிவதில்லை. இதனால் இரவு நேரத்தில் இருளில் மூழ்கும் இந்த சாலையில் வாகனங்களில் செல்பவர்கள் கடும் சிரமத்திற்கு உள்ளாகி வருகிறார்கள். எனவே மின் விளக்குகளை சரிசெய்து எரிய செய்ய வேண்டும்.