கிருஷ்ணகிரி பழைய பஸ் நிலையத்தில் இருந்து சென்னை சாலை வழியாக போச்சம்பள்ளி, சந்தூர், பெலவர்த்தி, மகராஜகடை உள்பட பல்வேறு ஊர்களுக்கு பஸ்கள் செல்கின்றன. அதேபோல சேலம் சாலை வழியாக காவேரிப்பட்டணம், சப்பாணிப்பட்டி, பையூர் உள்பட பல பகுதிகளுக்கு பஸ்கள் செல்கின்றன. இந்த பஸ்கள் 5 ரோடு அருகில் பஸ் நிறுத்தத்தில் நீண்ட நேரமாக பயணிகளை ஏற்றி செல்வதற்காக நிறுத்தப்படுகின்றன. இதனால் கடுமையான போக்குவரத்து நெரிசல் ஏற்படுகிறது. எனவே பஸ் நிறுத்தத்தில் இருந்து பஸ்கள் உடனடியாக புறப்பட்டு செல்லும் வகையில் போக்குவரத்து பிரிவு போலீசார் உரிய நடவடிக்கை எடுக்க வேண்டும்.