சேலம் மாநகராட்சியில் உள்ள தெருக்களுக்கு பெயர் பலகைகள் வைக்கப்பட்டு உள்ளன. இந்தநிலையில் ஒரு சில பெயர் பலகையில் கட்சி நிகழ்ச்சிகள், திருமணம் மற்றும் துக்க நிகழ்ச்சிகளுக்கான சுவரொட்டிகள் ஒட்டப்பட்டுள்ளன. இதனால் அந்த பகுதிகளுக்கு புதிதாக வருபவர்கள், தபால்காரர்கள் முகவரியை கண்டுபிடிக்க சிரமப்படுகின்றனர். மேலும் பல்வேறு இடங்களில் பெயர் பலகைகள் பெயர்ந்து காணப்படுகின்றன. எனவே மாநகராட்சி அதிகாரிகள் பெயர் பலகையில் சுவரொட்டி ஒட்டுபவர்கள் மீது நடவடிக்கை எடுக்கவும், சேதமான பெயர் பலகைகளை சீரமைக்கவும் நடவடிக்கை எடுக்க வேண்டும்.