தர்மபுரி ரெயில் நிலையத்திற்கு பல்வேறு ஊர்களில் இருந்து சரக்கு ரெயில் மூலம் உணவு தானியங்கள், உரங்கள் கொண்டு வரப்படுகின்றன. இவை சரக்கு லாரிகளில் ஏற்றப்பட்டு பல்வேறு பகுதிகளுக்கு அனுப்பி வைக்கப்படுகிறது. இந்த நிலையில் தர்மபுரி ரெயில் நிலைய பிளாட்பார பகுதியிலிருந்து வெண்ணாம்பட்டி ரெயில்வே கேட் வரை செல்லும் சாலை மிகவும் பழுதடைந்துள்ளது. இதனால் இந்த சாலையில் நூற்றுக்கணக்கான சரக்கு வாகனங்கள் தடுமாறியபடி சென்று வருகின்றன. இந்த பகுதியில் சாலையில் புழுதி பறக்கிறது. எனவே இந்த சாலையை சீரமைக்க உரிய நடவடிக்கை எடுக்க வேண்டும்.