கரூர் மாவட்டம் புன்னம் பகுதியில் ஏராளமானோர் குடியிருந்து வருகின்றனர். இங்கு பிரசித்தி பெற்ற கோவில்கள் உள்ளது. அதேபோல் அரசு பள்ளியும் செயல்பட்டு வருகிறது. இதனால் பல்வேறு பகுதிகளில் இருந்து தினமும் ஏராளமான பொதுமக்கள் புன்னம் பகுதிக்கு வந்து செல்கின்றனர். இந்தநிலையில் புன்னம் பகுதியில் உள்ள தார்சாலை குண்டும், குழியுமாக உள்ளது. இதனால் இரவு நேரங்களில் இருசக்கர வாகனங்களில் செல்வோர் கீழே விழுந்து படுகாயம் அடைந்து வருகின்றனர். மேலும் நடந்து செல்பவர்களும் கடும் அவதி அடைந்து வருகின்றனர். எனவே சம்பந்தப்பட்ட அதிகாரிகள் குண்டும், குழியுமான சாலையை சீரமைக்க நடவடிக்கை எடுக்க வேண்டும் என கேட்டுக் கொள்கிறோம்.