திருவாரூர் மாவட்டம் முத்துப்பேட்டை ஒன்றியம் ஆலங்காடு ஊராட்சி உள்ளது. இந்த ஊராட்சியில் ஏராளமானோர் வசித்து வருகின்றனர். இந்த பகுதியில் கொடுங்குளத்தின் தெற்கு கரையில் உள்ள மண் சாலை பராமரிப்பின்றி காணப்படுகிறது. மழைக்காலங்களில் சேறும்,சகதியுமாக காட்சி அளிக்கிறது. இதனால் இருசக்கர வாகனங்களில் செல்வோர் மிகவும் சிரமப்பட்டு வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து சாலை அமைத்து தர வேண்டும் என்று பொதுமக்கள் கோரிக்கை விடுத்துள்ளனர்.