நாகை மாவட்டம் திருமருகல் ஒன்றியம் கொத்தமங்கலம் ஊராட்சி பனங்காட்டூர் கிராமத்தில் முறையான சாலை மற்றும் போக்குவரத்து வசதி இல்லை. இதனால் அந்த பகுதி மக்கள் மிகுந்த சிரமத்துக்குள்ளாகி வருகின்றனர். மழைக்காலங்களில் சாலை முழுவதும் மழைநீர் தேங்கி நிற்கிறது. இதன்காரணமாக அந்த பகுதியில் அடிக்கடி விபத்துகளும் ஏற்படுகிறது. மேலும், பஸ் வசதி இல்லாத காரணத்தினால் மாணவ-மாணவிகள் நீண்ட தூரம் நடந்து செல்ல வேண்டிய நிலை உள்ளது. எனவே, சம்பந்தப்பட்ட அதிகாரிகள் மேற்கண்ட பகுதியில் சாலை மற்றும் போக்குவரத்து வசதி செய்து தர நடவடிக்கை எடுப்பார்களா?