கரூர் மாவட்டம், திருக்காடுதுறை அருகே நத்தமேடுப்பாளையத்திலிருந்து கோம்புப்பாளையம் செல்லும் புகழூர் வாய்க்கால் மேட்டில் கடந்த பல ஆண்டுகளுக்கு முன்பு மண் சாலை போடப்பட்டது. அடிக்கடி பெய்துவரும் மழையின் காரணமாக மண் சாலை குண்டும், குழியுமாக உள்ளது. இதனால் இந்த மண்சாலை வழியாக விவசாயிகள் இடுபொருட்களையும், விளைபொருட்களையும் கொண்டு சென்று வருகின்றனர். இந்நிலையில் மண் சாலை தொடர் மழையின் காரணமாக குண்டும், குழியுமாக உள்ளதால் இருசக்கர வாகனம் கூட செல்ல முடியாத சூழ்நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.