நாகர்கோவிலில் இருந்து இறச்சகுளத்துக்கு ஒரு சாலை செல்கிறது. இந்த சாலையில் இறச்சகுளம் சந்திப்பு பகுதியில் குடிநீர் குழாய் பதிப்பதற்காக பள்ளம் தோண்டப்பட்டது. பின்னர் அந்த பள்ளத்தை மண் போட்டு மூடிவிட்டு, சாலையை சீரமைக்காமல் விட்டு விட்டனர். இதனால் அந்த பகுதியில் மழை பெய்ததால், சகதி காடாக காட்சி அளிக்கிறது. அந்த வழியாக செல்லும் வாகன ஓட்டிகள் மிகுந்த சிரமத்துக்கு ஆளாகிறார்கள். எனவே சம்பந்தப்பட்ட அதிகாரிகள் சாலையை சீரமைக்க நடவடிக்கை எடுக்க வேண்டும்.