தஞ்சை மாவட்டம் பட்டுக்கோட்டை மைனர் பங்களா பஸ் நிறுத்தம் அருகே நகராட்சி நடுநிலைப்பள்ளி எதிரில் சாலையோரத்தில் இரும்பு மின்கம்பம் பயன்பாடின்றி கிடக்கிறது. இந்த மின்கம்பம் போக்குவரத்துக்கு இடையூறாக இருப்பதால் பொதுமக்கள், வாகன ஓட்டிகள் சிரமத்துக்குள்ளாகி வருகின்றனர். இரவு நேரங்களில் வாகனங்களில் வருபவர்கள் சாலையோரத்தில் மின்கம்பம் கிடப்பதை அறியாமல் விபத்துக்குள்ளாகிவிடுகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் பயன்பாடின்றி கிடக்கும் மின்கம்பத்தை அப்புறப்படுத்த நடவடிக்கை எடுப்பார்களா?