பந்தலூர் தாலுகாவிற்கு உட்பட்ட அய்யன்கொல்லி அருகே உள்ள செறியேரி பகுதியில் ஏராளமான பொதுமக்கள் வசித்து வருகின்றனர். ஆனால் அந்த பகுதியில் தெருவிளக்கு வசதி இல்லை. இதனால் இரவில் அந்த பகுதியே இருள் சூழ்ந்து காணப்படுகிறது. மேலும் வனவிலங்குகள் நடமாட்டமும் அதிகரித்து வருகிறது. இதன் காரணமாக பொதுமக்கள் இரவில் வீடுகளை விட்டு வெளியே வரவே அச்சப்படுகிறார்கள். எனவே தெருவிளக்கு வசதி ஏற்படுத்த அதிகாரிகள் ஆவண செய்ய வேண்டும்.