குடிநீர் வழங்கப்படுமா?

திருப்பத்தூர் அருகே அச்சமங்கலம் ஊராட்சி உள்ளது. இங்கு ஆயிரத்துக்கும் மேற்பட்ட மக்கள் வசித்து வருகின்றனர். இப்பகுதியில் பொதுமக்களுக்கு சரிவர குடிநீர் வினியோகம் செய்யவில்லை எனக்கூறப்படுகிறது. ஒரு நாளைக்கு 10 நிமிடங்கள் தான் குடிநீர் வினியோகம் செய்யப்படுகிறது. இதனால் ஓரிரு வீடுகளுக்கு மட்டுமே குடிநீர் கிடைக்கிறது. மற்ற வீடுகளுக்கு சரிவர குடிநீர் கிடைப்பதில்லை. இதனால் இப்பகுதி மக்கள் குடிநீருக்கு சிரமப்படுகின்றனர். எனவே பொதுமக்களுக்கு தேவையான அளவு குடிநீர் வினியோகம் செய்ய ஊராட்சி நிர்வாகம் நடவடிக்கை எடுக்க வேண்டும்.

-தாசன், அச்சமங்கலம்.