அடிப்படை வசதிகள் இல்லாததால் அவதி

பொள்ளாச்சி பழைய பஸ் நிலையத்துக்கு தினமும் ஏராளமான பயணிகள் வந்து செல்கின்றனர். இங்கு அடிப்படை வசதிகள் சரிவர இல்லை. குறிப்பாக கழிப்பிடம் முறையாக பராமரிக்கப்படாமல் துர்நாற்றம் வீசுகிறது. பொதுமக்கள் அமர இருக்கைகள் போதிய எண்ணிக்கையில் இல்லை. குடிநீர் வசதியும் சரிவர கிடையாது. இதனால் அங்கு வந்து செல்லும் பயணிகள் கடும் அவதிப்பட்டு வருகிறார்கள். எனவே பஸ் நிலையத்தில் அடிப்படை வசதிகளை மேம்படுத்த அதிகாரிகள் ஆவன செய்ய வேண்டும்.