சீரமைக்க வேண்டும்

நாகர்கோவில் மாநகராட்சிக்கு உட்பட்ட என்.ஜி.ஓ.காலனி உள்ளது. இந்த காலனியில் உள்ள வீடுகளுக்கு அந்த பகுதியில் உள்ள ஒரு கிணற்றில் இருந்து தண்ணீர் வினியோகம் செய்யப்பட்டு வருகிறது. இந்த கிணற்றின் சுற்றுச்சுவர் சேதமடைந்தும், மேற்பகுதியில் மூடி அமைக்கப்படாமலும் காணப்படுகிறது. இதனால், கிணற்றினுள் மரத்தின் இலைகள் விழுந்து தண்ணீர் மாசடைகிறது. மேலும், இரவு நேரத்தில் சில சமூக விரோதிகள் மது குடித்து விட்டு பாட்டில்களை கிணற்றில் வீசுகின்றனர். எனவே, சம்பந்தப்பட்ட அதிகாரிகள் நடவடிக்கை எடுத்து கிணற்றை தூர்வாரி சீரமைக்க வேண்டும்.